Masakan Jerman

Masakan Jerman (basa Jirman: deutsche Küche) bamacam-macam matan wilayah ka wilayah nang lain.^[1][2] Wilayah Bayern wan Swabia baisi tradisi masakan nang mirip lawan tatangga buhannya di salatan, Swiss wan Austria. Babi, sapi wan unggas adalah daging utama nang rancak dimakn di Jkrman. Di antara unggas, ayam adalah nang paling rancak, biar bebek, angsa wan kalkun juga dimakan.

Masakan Jirman baisi banyak macam asli nang sudah baadaptasi lawan tren kasihatan mudirin wan citarasa buhan imigran.^[1] Masakan Jerman dipinandui lawan produk susu, keju, sosis (Wurst), wadai-wadai, pangsit lawan bamacam jenis produk minuman bir, anggur, minuman distilasi nang kaya Hacker-Pschorr wan Lowenbrau (bir), Asbach Uralt (brandy), Joseph Freiderich (anggur), wan Fuerst Metternich Sekt (sampanye).^[2][3] Variasi masakan mudirin Jkrman (neue Küche) dipangaruhi jua ulih masakan luar. Urang-urang matam Turki wan Italia nang datang sabagai imigran, manambahi rasa wan macam kuliner Jirman lawan masakan khas nagara buhannya masing-masing.

Banyak macam masakan Jirman diulah mulai ratusan tahun dahulu gasan manangati bahan makanan supaya kada buruk.^[3] Cuntuhnya adalah Sauerkraut, nang diulah matam kol nang difermentasi. Gasan maawetakan daging, urang Jirman marandam daging tadi dalam cuka wan rarampah, nang kaya Sauerbraten.

1. ^ ^{a b} Kasalahan pangutipan: Tag <ref> tidak sah; tidak ditemukan teks untuk ref bernama masakan daerah jerman
2. ^ ^{a b} Kasalahan pangutipan: Tag <ref> tidak sah; tidak ditemukan teks untuk ref bernama masakan daerah jerman-food and drink
3. ^ ^{a b} Kasalahan pangutipan: Tag <ref> tidak sah; tidak ditemukan teks untuk ref bernama german-worldbook-food n drink